Сүүлийн жилүүдийн хугацаанд бид х.Тунгалагаас Монгол улсад эхлүүлэхээр төлөвлөж буй шинэ бизнесийн санхүүгийн загварчлал, төлөвлөлтийг хийлгэх, зах зээл, эрх зүйн зохицуулалтуудыг шинжилж судлах, холбогдох уулзалтуудыг зохион байгуулах зэрэг үйлчилгээнүүдийг 3 удаа авсан. Бидэнд Тунгалагийн ажлыг өргөн цар хүрээгээр харах хандлага, мэргэжлийн ур чадвар, ажил хэрэгч, шуурхай шийдлүүд нь маш өндөр сэтгэгдэл төрүүлсэн бөгөөд түүний зөвлөх үйлчилгээг бүрэн итгэл үнэмшилтэйгээр санал болгож байна.

Шилмэл үүлдрийн хонь, үхэр үржүүлэгч Тайшир Өргөө ХХК нь Тун Консалт ХХК-иар өөрийн сүргийн эргэлт, хөрөнгө оруулалтын өгөөжийг тодорхойлох санхүүгийн загварчлалыг хийлгэх, Австрали улсын шилдэг хонины аж ахуйтай холбоо тогтоож, туршлага судлах, түншлэл үүсгэх, бизнес аялал зохион байгуулах үйлчилгээнүүдийг авсан бөгөөд бидний хамтын ажиллагаа нь манай бизнесийн цаашдыг өсөлт хөгжилт, үр өгөөжид өндөр ач холбогдолтой ажил болсонд талархаж байгаагаа илэрхийлье.

XpertLog компанийн зүгээс Тун Консалт ХХК-тай Монгол улсын тээвэр, логистик, агуулахын үйл ажиллагааны салбарын зах зээлийг судлах, хамтын ажиллагаа тогтоох чиглэлээр хамтран ажиллаж ирсэн бөгөөд тус компанийг эдийн засаг болон бизнесийн салбаруудын судалгаа шинжилгээ, санхүүгийн загварчлал, хөрөнгө оруулагчдийн харилцаа холбооны талаарх зөвлөх үйлчилгээний чиглэлээр бүрэн итгэлтэй санал болгож байна. Тун Консалт ХХК нь маш өргөн хүрээний мэдлэг туршлагатай, хариуцлагатай, найдвартай түнш бөгөөд Тунгаагийн шинэ сэдэв, ойлголтуудыг хурдан хугацаанд тусгаж боловсруулах, шинэ хүмүүстэй хамтран ажиллах чадвар нь маш хэрэгтэй чанарууд байлаа.

Манай компани нь уул уурхайн томоохон компанийн тээвэрлэлтийн хүчин чадлыг нэмэгдүүлэхтэй холбоотой чухал төслийн тооцоолол, загварчлалыг хийлгэхээр Тун Консалт компанид захиалга өгөөд тохирсон хугацаандаа сайтар нягталж боловсруулсан гүйцэтгэлийг хүлээн авсандаа сэтгэл хангалуун байгаа.

Тунгаагийн үзүүлсэн зөвлөх үйлчилгээгээр манай компанийн менежментийн баг бизнесийнхээ чиг хандлага, асуудлуудыг хамгийн анхан шатны нэгжээсээ эхлэн мэдэж авсан нь маш чухал ажил болсон. Бизнесийн эзний хувьд би эдийн засгийн уналтын энэ цаг үед саад бэрхшээлийг хэрхэн тойрч гарахаа харж чадлаа. Улмаар Тунгаагийн мэргэжлийн ур чадвар, ёс зүй, ажилдаа хандах хандлага өндөр сэтгэгдэл төрүүлсэн бөгөөд цаашид дахин хамтран ажиллана гэж итгэж байна.

Тунгаа бид 2 Дэлхийн Банкны хөтөлбөрийн хүрээнд Монгол улсын Нийгмийн Даатгалын Сангийн нөөцийн болон хөрвөх чадварын удирдлагыг сайжруулах талаарх зөвлөх үйлчилгээний ажлыг нэг баг болж хамтран гүйцэтгэсэн. Энэ нь аргачлал болон бодлогын түвшинд хүнд ажил байсан бөгөөд Тунгаагийн хувьд маш хурдан, оновчтой ажиллах шаардлагатай болсон. Ажлын хүрээнд бид НДС-гийн төсвийн төлөвлөлт, зарцуулалт, удирдлага, бүртгэл, хяналт, аудит, мэдээллийн тогтолцоог үнэлсэний үндсэн дээр эрсдлийн болон хөрөнгө оруулалтын удирдлага, засаглалын талаарх аргачлал, зөвлөмжүүдийг зайнаас хамтран ажиллаж боловсруулан гаргасан. Тунгаагийн мэргэжлийн ур чадвар, санаачлага, санхүүгийн зах зээлийн талаарх өргөн дэлгэр мэдлэг нь надад өндөр сэтгэгдэл төрүүлсэн бөгөөд дахин хамтран ажиллахдаа туйлын баяртай байх болно.

Мегавүүд ХХК нь Тун Консалт компаниас өөрийн бизнесийн үнэлгээг гадаад улсын хөрөнгө оруулагчид зориулан хийлгэх, үнэлгээг хөрөнгө оруулагчийн банкиртай тохиролцох, шинэ бүтээгдэхүүний төслийн эдийн засгийн тооцоолол, загварчлалыг гаргуулах зэрэг үйлчилгээг удаа дараа авсан бөгөөд ажлуудыг мэргэжлийн өндөр түвшинд гүйцэтгэж, хөрөнгө оруулалтыг татсан. Мегавүүд ХХК нь цаашдын үйл ажиллагаандаа ч Тун Консалт ХХК-ийг нэн тэргүүний зөвлөгчөө болгон ажиллах эрмэлзэлтэй байна.

Миний бие Тунгалаг болон Тун Консалт ХХК-тай АХБ-наас Монгол улсын дээд боловсролын салбарын санхүүжилтийн шинэчлэлтэй холбогдон хэрэгжүүлсэн төслийн томоохон багт 2019-2021 оны хооронд ойр хамтран ажилласан. Энэ хугацаанд Тунгалагийн хөгжиж буй зах зээл, хөрөнгийн удирдлага, санхүүгийн шинэлэг шийдлүүдийн талаарх өргөн дэлгэр мэдлэг, уг мэдлэгээ бодит амьдралд ашиглах байдал зэрэг мэргэжлийн чадвар нь маш өндөр сэтгэгдэл төрүүлсэн бөгөөд Тунгалаг болон Тун Консалт ХХК-тай хойшид дахин хамтран ажиллана хэмээн найдаж байна.

Монгол өв соёл дээр суурилсан инновацийн бүтээгдэхүүнийг хөгжүүлэгч, үйлдвэрлэгч манай компани бизнесээ өргөжүүлэх зорилготой НААД бондыг 2018 онд гаргасан бөгөөд үүнд шаардлагатай компанийн төлөвлөлт, үнэлгээг С.Тунгалаг CFA хийж, бидэнтэй хамтран ажилласан. Мэргэжлийн өндөр түвшинд хийсэн энэхүү үнэлгээ, төлөвлөлтөн дээр суурилан бид хүссэн хэмжээний санхүүжилтийг 7 хоногийн дотор бүрэн босгож чадсан ба бонд маань үр дүнгээ өгч, бид дахин хэд хэдэн бүтээгдэхүүнийг зах зээлд амжилттай танилцуулаад байна.

Тун Консалтаас санхүүгийн зөвлөх үйлчилгээ авч, хамтран ажилласан нь манай компанийн алба нэгжүүдийн уялдаа холбоог сайжруулан, санхүүгийн үр өгөөжийг нэмэгдүүлэхэд маш их дэмжлэг болсон. Онцолж дурьдвал, үйлдвэрлэлийн байгууллагын хамгийн их анхаарах ёстой хэсэг буюу эргэлтийн хөрөнгийн удирдлага дээр тусгайлан зөвлөж, аргачлалуудаар хангасан. Тунгалаг зөвлөхийн ур чадвар, мэдээлэлд хурдтай дүн шинжилгээ хийж үнэлэлт дүгнэлт өгдөг нь өндөр сэтгэгдэл төрүүлдэг. Цаашид ч хамтран ажиллахдаа таатай байна.